Xaꞌndu̱ nu̱uꞌ

Va̱ꞌa̱ va̱ ni̱ xa̱a̱ ndo̱ꞌ kuaxi̱ ko̱to̱ ndiꞌe̱ꞌ ndo̱ꞌ nuu̱ꞌ ña̱ yo̱ꞌo̱, kaꞌán nimá  ndu̱ꞌ ña̱ ku̱ta̱ni̱ ndo̱ꞌ ña̱ ni̱ ta̱a̱nꞌ ndu̱ nuu̱ꞌ ña̱ yo̱ꞌo̱.

   Ña̱ nu̱uꞌ Taxiꞌ ndu̱ ña̱ tyi̱nda̱ni Ndiosí xaꞌa̱ꞌ kivi̱ꞌ ñu̱u̱ ña̱ taxiaꞌ a̱ nda̱ꞌaꞌ ndu̱, te̱ taxiꞌ tu̱ ndu̱ ña̱ tyi̱nda̱ni UNTI, sa̱kanꞌ ña̱ te̱ ja̱a̱nꞌ nduuꞌ te̱ tyindieeꞌ te̱ yivi̱ꞌ te̱ ndatuꞌunꞌ tu̱ꞌu̱n i̱i̱n vaa̱ꞌ te̱ sandikoꞌ kuiín kuento Ndiosí.

Taxiꞌ ndu̱ ña̱ tyi̱nda̱ni sa̱kuuꞌ te̱ saniaꞌá, xaꞌa̱ꞌ sa̱kuuꞌ ña̱ ni̱ sa̱niaꞌá ra̱ nduꞌu̱ꞌ te̱ ka̱sa̱ꞌa̱ ndu̱ página web yo̱ꞌo̱ꞌ. Te̱ xiní kaxiꞌ ndu̱ ña̱ i̱i̱n ña̱ va̱ꞌa̱ va̱ nduuꞌ a̱ xaꞌa̱ꞌ ndu̱, sa̱kanꞌ ña tyi̱ndi̱e̱eꞌ a̱ ndu̱ te̱ ku̱nda̱ni̱ ka̱ ndu̱ xaꞌa̱ꞌ tu̱ꞌu̱n ña̱ ndatuꞌunꞌ ndu̱, te̱ ku̱nda̱ni̱ ka̱ tu̱ ndu̱ xaꞌa̱ꞌ ñu̱u̱ miiꞌ ndieeꞌ ndu̱ te̱ nä̱ndoso̱ꞌ ndu̱ xaꞌa̱ꞌ ña̱ ni̱ sa̱niꞌíꞌ Ndiosí ndu̱, ña̱ nduuꞌ tu̱ꞌu̱n du̱ xiin ñu̱u̱ miiꞌ ndieeꞌ ndu̱.

Ña̱ kaꞌán nimá ndu̱ xaꞌa̱ꞌ ndii, ña̱ nda̱sa̱va̱ꞌa̱ ka̱ ndu̱ página web yoꞌoꞌ nduuꞌ a̱ te̱ ku̱vi̱ sa̱niaꞌá ka̱ du̱ nuu̱ꞌ ne̱ yiviꞌ xaꞌa̱ꞌ tu̱ꞌu̱n ña̱ ndatuꞌunꞌ ndu̱, xiinꞌ xaꞌa̱ꞌ ñu̱u̱ miiꞌ ndieeꞌ ndu̱. Naaꞌ kumiꞌ ndo̱ꞌ sa̱va̱ ña̱ ku̱vi̱ sa̱kaaꞌ ndu̱ nuu̱ꞌ página yoꞌoꞌ, naaꞌ kuuꞌ: ( ña̱ nianiaꞌ, xiinꞌ video, xiinꞌ ya̱a̱ savi̱ꞌ, xiinꞌ kuento ya̱taꞌ ña̱ ni̱ ke̱ꞌi̱ ndo̱ꞌ) te̱ kuni ta̱xi̱ ndo̱ꞌ a̱ nda̱ꞌaꞌ ndu̱ te̱ sa̱kaaꞌ ndu̱ a̱ nuu̱ꞌ sitio yoꞌoꞌ ndii, va̱ꞌa̱ va̱ ku̱ni̱ ndu̱ ku̱ni̱ ndu̱ ndoꞌó.

Ku̱vi̱ ke̱ꞌi̱ ndo̱ꞌ nuu̱ꞌ ndu̱ xiinꞌ nda̱ꞌaꞌ correo ña̱ nduꞌu̱ nuu̱ꞌ ña̱ yo̱ꞌo̱ꞌ. Kii̱ꞌ ti̱ꞌviꞌ ndo̱ꞌ ña̱ ja̱a̱nꞌ nda̱ꞌaꞌ ndu̱ ndii, ku̱nda̱ni̱ ndu̱ ña̱ taxiꞌ nde̱iꞌ ndo̱ nda̱ꞌaꞌ ndu̱ ña̱ ku̱vi̱ sa̱kaaꞌ ndu̱ a̱ nuu̱ꞌ página yoꞌoꞌ. Te̱ kaꞌán nda̱ku ndu̱ xiinꞌ ndo̱ꞌ ña̱ xï̱ko̱ꞌ ndu̱ nde̱e̱ i̱i̱n ña̱ ja̱a̱nꞌ, ni̱ nde̱e̱ kü̱siki̱ꞌ saka tu̱ ndu̱ a̱. Te̱ taxiꞌ ndu̱ ña̱ tyi̱nda̱ni ndo̱ꞌ nde̱e̱ vi̱ti̱n xaꞌa̱ꞌ a̱ ña̱ ndiaa yaꞌviꞌ va̱ ña̱ tyindieeꞌ ndo̱ꞌ ndu̱.

Ña̱ yo̱ꞌo̱ nduuꞌ xata̱ꞌ Tu̱tu̱ tu̱ꞌu̱n Ndiosí, tu̱ꞌu̱n savi̱ꞌ, ña̱ xa̱ ni̱ xinu̱, yoo kuaꞌa̱ꞌ nuu̱ꞌ kuaku̱ ndiaa ka̱ ña̱ xtani̱ mi̱iꞌ ndo̱ꞌ, nakuuꞌ: ña̱ kuaꞌa ni̱, ña̱ ndiaaꞌ ni̱, ña̱ ndi̱e̱ꞌeꞌ ndiaaꞌ ni̱, naaꞌ kuni ka̱ꞌvi̱ ndo̱ꞌ a̱ uun ku̱ni̱ so̱ꞌo̱ ndo̱ꞌ a̱ ndii, tu̱vi̱ nuu̱ꞌ nda̱ꞌaꞌ ndo̱ꞌ letra kuaꞌa ña̱ yoso̱ꞌ ndi̱e̱nu̱.

Te̱ kii̱ꞌ so̱ꞌo̱ ndiꞌvi̱ ka̱ ndo̱ꞌ kuꞌu̱n ko̱to̱ ndo̱ꞌ nuu̱ꞌ ña̱ yo̱ꞌo̱ ndii, ku̱ni̱ ndo̱ꞌ ñuꞌuꞌ kiꞌinꞌ nuu̱ꞌ ña̱ꞌa̱, ña̱ xa̱ yoo tu̱ꞌva̱ te̱ ku̱vi̱ sa̱nuuꞌ ndo̱ꞌ a̱, te̱ tyi̱ndi̱e̱eꞌ kuaꞌa̱ꞌ a̱ ndoꞌó naaꞌ kuní a̱ nuu̱ꞌ ndo̱ꞌ. 

 

 

 

Ña̱ yo̱ꞌo̱ nduuꞌ i̱ta̱ ña̱ ni̱ sa̱niꞌínꞌ ndu̱ i̱i̱n ña̱ꞌaꞌ ña̱ ni̱ tyi̱ndi̱e̱eꞌ ndu̱ kii̱ꞌ ni̱ xa̱ꞌa̱ ndu̱ vi̱koꞌ ña̱ ni̱ xinu̱ tu̱tu̱ Ndiosí tu̱ꞌu̱n savi̱ꞌ.